დღეს პარლამენტში, საქართველოში აშშ-ის ელჩს რობინ დანიგანს ელოდებიან.  ამერიკელ დიპლომატს საგარეო ურთიერთობათა კომიტეტის სხდომაზე მოუსმენენ.

საქართველო-ამერიკის სტრატეგიული პარტნიორობის ძირითადი ასპექტები და აშშ-ის საგარეო პოლიტიკა - ეს არის თემები, რომლებზეც რობინ დანიგანი საქართველოს პარლამენტში ისაუბრებს.

საგარეო ურთიერთობათა კომიტეტის სხდომაზე ასევე გამოვა პარლამენტის თავმჯდომარე შალვა პაპუაშვილი, რომელიც დეპუტატებს საპარლამენტთაშორისო კავშირში (IPU) და ASEAN-ის საპარლამენტთაშორისო ასამბლეაში საქართველოს პარლამენტის მუდმივმოქმედი დელეგაციების ანგარიშებს გააცნობს.

პარლამენტის საგარეო ურთიერთობათა კომიტეტის სხდომა 11:00 საათზე დაიწყება. ის, სავარაუდოდ, მედიისთვის დახურული იქნება.