დაღესტანში ტერაქტების სერიის შედეგად დაღუპულთა რიცხვი 21-მდე გაიზარდა. დაშავებულია 51 ადამიანი. ინფორმაციას ჯანდაცვის უწყება ავრცელებს. დაღუპულებს შორის არიან სამართალდამცველები, სამოქალაქო პირები და ერთი მართლმადიდებელი მღვდელი.

დაღესტნის ორ ქალაქში ტერორისტული თავდასხმები სინაგოგაზე, ორ მართლმადიდებლურ ეკლესიასა და პოლიციის განყოფილებაზე კვირას საღამოს საათებში მოხდა. კონტრტერორისტული ოპერაციის შედეგად ხუთი თავდამსხმელის ლიკვიდაცია მოხერხდა. მომხდართან დაკავშირებით გამოძიება გრძელდება.