ვენესუელის შტატ კარაბობოში, ქალაქ ვალენსიაში, ადგილობრივმა პირებმა ცაზე რგოლის ფორმის „უცხოპლანეტელები“ დააფიქსირეს. მათი ვარაუდით, წრიული ფიგურები "მფრინავ თეფშებს" ჰგავდა.

მიუხედავად იმისა, რომ ვენესუელის ხელისუფლებას აღნიშნულ ფაქტთან დაკავშირებით არანაირი საჯარო განცხადება არ გაუკეთებია, ადგილობრივმა მეტეოროლოგმა ლუის ვარგასმა თეორიულად გამორიცხა, რომ ადგილობრივმა პირებმა ნამდვილად „უცხოპლანეტელები“ დაინახეს.

„ეს შეიძლება კვამლის მუქი რგოლი იყო, რომელიც სამრეწველო საწარმოდან გამოფრქვევის შემდეგ, ცაზე წრიულ სტრუქტურად აისახა ან წრიული ფორმა შესაძლოა ვულკანმა წარმოქმნა“, - განაცხადა ვარგასმა X-ზე.