აშშ-ში არქტიკული შტორმის და ყინვების შედეგად დაღუპულთა რაოდენობამ 60-ს გადააჭარბა - ამის შესახებ ინფორმაციას ამერიკული ტელეკომპანია „ენ-ბი-სი“ და სხვა ამერიკული მედია საშუალებები ავრცელებენ. 

ძლიერი არქტიკული შტორმის შედეგად შეერთებული შტატების ჩრდილოეთ ნაწილში ტემპერატურა მინუს 40 გრადუსამდე დაეცა. 

დიდთოვლიანობის და მაღალი ყინვების გამო დაღუპულთა რაოდენობა ამ დროისთვის სულ მცირე 61-მდეა გაზრდილი. სტიქიის შედეგად დაზარალებულთა ყველაზე დიდი რაოდენობა ტენესისა და ორეგონის შტატებში დაფიქსირდა.

დიდი თოვლის და ცივი ამინდების გამო არაერთი სკოლაა დახურული. ასევე შეზღუდულია საჰაერო მიმოსვლა.