აშშ მკაცრად გმობს ერბილში ირანის თავდასხმებს, – ამის შესახებ აშშ-ის სახელმწიფო დეპარტამენტის სპიკერის, მეთიუ მილერის განცხადებაშია აღნიშნული.

„აშშ მკაცრად გმობს ერბილში ირანის თავდასხმებს და უსამძიმრებს დაღუპულთა ოჯახებს. ჩვენ ვეწინააღმდეგებით ირანის დაუფიქრებელ სარაკეტო დარტყმებს, რომლებიც ძირს უთხრის ერაყის სტაბილურობას. ჩვენ მხარს ვუჭერთ ერაყის მთავრობისა და ქურთისტანის რეგიონალური მთავრობის ძალისხმევას ერაყელი ხალხის მისწრაფებების დასაკმაყოფილებლად“, – ნათქვამია განცხადებაში.

ერაყის ქალაქ ერბილში, აშშ-ის საკონსულოსთან რამდენიმე აფეთქება მოხდა. დაღუპულია, სულ მცირე, ოთხი ადამიანი, ხოლო ექვსი დაშავდა.