"არ გველაპარაკებით?" - ამ კითხვით მიმართა დღეს, ერთ-ერთი ტელეკომპანიის ჟურნალისტმა, სამეგრელოში ყოფილ რწმუნებულს, ზაზა გოროზიას პირდაპირი ჩართვის დროს. გოროზია მთავრობის ადმინისტრაციასთან მიმდინარე, “ნაცმოძრაობის” მიერ ორგანიზებულ აქციაზე იმყოფებოდა.

ჟურნალისტმა ზაზა გოროზიას რამდენიმე კითხვა დაუსვა: “რატომ შემოუერთდით დღევანდელ აქციას? რას ეტყოდით მიხეილ სააკაშვილს? არ გველაპარაკებით?.. როგორც ჩანს, ზაზა გოროზიას ჩვენთან საუბარი არ სურს", განაცხადა ტვ “პირველის” ჟურნალისტმა პირდაპირ ეთერში.

ცნობისთვის, ზაზა გოროზია ლევან ხაბეიშვილის მხარდამჭერია და მასთან ერთად აქციაზე იმყოფებოდნენ გიორგი ბოტკოველი და გიორგი კაპანაძე.