აშშ-ის პრეზიდენტობის კანდიდატმა დონალდ ტრამპმა ვიცე-პრეზიდენტ კამალა ჰარისს „ლამაზი ქალი“ უწოდა და თავის მეუღლეს მელანია ტრამპს შეადარა. ამის შესახებ მან მილიარდერ ილონ მასკთან ინტერვიუში განაცხადა. იტყობინება Newsweek-ი.

ტრამპმა კომენტარი გააკეთა ჟურნალ Time-ის ბოლო გამოცემაზე, რომლის გარეკანზეც კამალა ჰარისის ფოტოა გამოსახული.

მიუხედავად იმისა, რომ ინტერვიუში არაერთხელ გააკრიტიკა კონკურენტი, ტრამპმა აღნიშნა, რომ ჰარისი ლამაზი ქალია.

„ის გამოიყურება როგორც ყველაზე ლამაზი მსახიობი. ის სინამდვილეში ძალიან ჰგავს შესანიშნავ პირველ ლედის მელანიას. ის შესანიშნავი ქალია“, - თქვა ტრამპმა.