რუსული ავიაკომპანია "აზიმუტი" საქართველოს მიმართულებით ავიარეისებს ამატებს. ავიაკომპანია ფრენებს ამჯერად რუსეთის ფედერაციაში შემავალი ბაშკირეთის დედაქალაქ უფასა და თბილისს შორის იწყებს. პირველი რეისი 26 იანვარს შესრულდება.

შეგახსენებთ, რომ "აზიმუტი" რეისებს მოსკოვიდან, სოჭიდან და მინვოდიდანაც ახორციელებს. ასევე, აქვს ფრენა მოსკოვი-ბათუმის მიმართულებით. ის იყო პირველი ავიაკომპანია, რომელმაც რამდენიმეწლიანი პაუზის შემდეგ, რუსეთიდან პირველი ფრენა განახორციელა - მას შემდეგ, რაც პუტინის გადაწყვეტილებით საქართველოსთან ავიამიმოსვლა განახლდა.

"აზიმუტი" უკრაინის მიერაა დასანქცირებული.