„დღეს, 24 ნოემბერს, ჩვენი პლანეტის უსაფრთხოების უზრუნველყოფის ისტორიაში მნიშვნელოვანი მოვლენა მოხდა - კალიფორნიის სამხედრო კოსმოდრომიდან „ფალკონ-9“ რაკეტით კოსმოსში უპილოტო საფრენი აპარატი გაუშვეს - „DART“-ის სახელწოდებით, რომელიც ისტორიაში პირველ კოსმოსურ „კამიკაძეს“ წარმოადგენს“, - ნათქვამია ბრიტანული სამაუწყებლო კომპანიის „ბი-ბი-სი“-ს რუსული სამსახურის (BBC Russian) მიერ გამოქვეყნებულ მასალაში სათაურით „კოსმოსური „კამიკაძე“: NASA-ს სპეციალური მისია ასტეროიდის ორბიტის შეცვლის მიზნით“.

„რუსი სამხედრო მოსამსახურეები, სოხუმის „საერთაშორისო“ აეროპორტის განნაღმვის მიზნით, ჩეჩნეთის რესპუბლიკიდან აფხაზეთში ჩავიდნენ. სამუშაოებს ასრულებს რუსეთის ფედერაციის სამხრეთის სამხედრო ოლქის ინჟინერ-მესანგრეთა ქვედანაყოფი, რომლის მექანიზებულმა კოლონამ თითქმის ათასი კილომეტრი გაიარა ხანკალიდან გუდაუთამდე“, - ნათქვამია რუსული გამოცემის „სვობოდნაია პრესის“ (Свободная пресса) მიერ გამოქვეყნებულ სტატიაში სათაურით „სოხუმის აეროპორტს „Су“-ებს გადასცემენ: რუსეთი აფხაზეთთან ავიამიმოსვლას თავისი ტურისტებისა და სამხედრო ავიაციის ინტერესებისათვის აღადგენს“ (ავტორი - სერგეი ბატიშევი).