ხმაური და დაპირისპირება იყო მარნეულში, სადაც ადგილობრივები პოლიციის თანამშრომლებს დაუპირისპირდნენ. მომხდარს წინ უძღოდა ავტოსაგზაო შემთხვევა, რომელიც პოლიციისადმი დაუმორჩილებლობამ გამოიწვია.

როგორც  შსს-ში განაცხადეს,, ავტომობილმა საგზაო მოძრაობის წესები დაარღვია და საავარიო სიტუაცია შექმნა, რის შემდეგაც საპატრულო ეკიპაჟის მოთხოვნას არ დაემორჩილა და გზის სავალი ნაწილიდან გადავიდა, რა დროსაც მანქანა ამოყირავდა.

„ადგილზე მისულ პოლიციას ავტომობილში მყოფებმა სიტყვიერი და ფიზიკური შეურაცხყოფა მიაყენეს. სამართალდამცველებს ხელი შეუშალეს ადგილობრივების ნაწილმაც. შედეგად, დაზიანდა პოლიციის ავტომობილი“, - აცხადებენ შსს-ში.

შემთხვევის შედეგად, დაკავებულია ავტომობილის მძღოლი და ორი მგზავრი.