„ოსკარზე“ ნომინირებული ამერიკელი მსახიობი და მოცეკვავე ტერი გარი 79 წლის ასაკში გარდაიცვალა. 

როგორც ამერიკული მედია იუწყება, გარი, გაფანტულ სკლეროზთან 20-წლიანი ბრძოლის შემდეგ, ლოს-ანჯელესში, საკუთარ სახლში  გარდაიცვალა.

ტერი გარმა 2002 წელს საჯაროდ პირველად ისაუბრა ქრონიკულ აუტოიმუნურ დაავადებაზე, რათა გაფანტული სკლეროზის მქონე სხვა ადამიანებისთვის ცნობიერება აემაღლებინა. როგორც CBS-ი წერს, მსახიობს ჯანმრთელობის სხვა პრობლემებიც შეექმნა და 2007 წელს ანევრიზმის სამკურნალოდ ოპერაცია ჩაუტარდა.

ტერი გარი ცნობილია ფილმებით „ახალგაზრდა ფრანკენშტეინი“, „ბატონი დედა“ და „ტუტსი“ და ა.შ..