ტრაგედია ჩაქვში - სასტუმრო "ოაზისის" აუზში ბავშვი დაიხრჩო. 

შემთხვევა ცოტა ხნის წინ მოხდა. 

არსებული ინფორმაციით, ადგილზე მისულ სასწრაფო-სამედიცინო დახმარების ჯგუფს ბავშვი გარდაცვლილი დახვდა. 

შემთხვევის ადგილას ექსპერტ-კრიმინალისტები ახლაც მუშაობენ.

არსებული ინფორმაციით, მცირეწლოვანი სტუმარი არ იყო. თუმცა ოფიციალურად განცხადება ამის შესახებ არ დასტურდება. 

როგორც სასტუმროს წარმომადგენელი აცხადებს, მოხდა უმძიმესი ტრაგედია და ის მოუწოდებს ყველას, თავი შეიკავონ არაოფიციალური კომენტარებისგან და ვერსიების გავრცელებისგან.

ამ წუთებში მიმდინარეობს საგამოძიებო სამუშაოები.