ლონდონელმა არქეოლოგებმა რომაული დასაკრძალი საწოლი იპოვეს. ამის შესახებ ინფორმაციას theguardian ავრცელებს.

„პირველი ასეთი საწოლი, რომელიც ბრიტანეთში აღმოაჩინეს, არის წარმოუდგენლად კარგად დამზადებული“, - ამბობენ ექსპერტები.

მათივე თქმით, დასაკრძალი საწოლი შესანიშნავად არის შემონახული.

მედიის ინფორმაციით, გათხრები რომაულ სასაფლაოზე მიმდინარეობდა ჰოლბორნის ვიადუკთან, ცენტრალურ ლონდონში. დასაკრძალ საწოლთან ერთად მუხის ხუთი კუბოც იპოვეს.

სამგლოვიარო საწოლი დამზადებულია მაღალი ხარისხის მუხისგან. აქვს მოჩუქურთმებული ფეხები და სახსრები, რომლებიც ფიქსირდება ხის პატარა კალთებით.