„საქართველოს პოლიტიკურ ლიდერებს მოვუწოდებ, ერთად იმუშაონ სასწრაფოდ საჭირო რეფორმებზე“, - ამის შესახებ ნატოს გენერალურმა მდივანმა იენს სტოლტენბერგმა განაცხადა.

მისივე თქმით, ქართველ ხალხს დემოკრატიული და წარმატებული საქართველო სურს და ამ მიზნის მიღწევისთვის ნატო საქართველოს მთავრობასთან თანამშრომლობას გააგრძელებს.  

რა თქმა უნდა, დემოკრატიული ინსტიტუტების გასაძლიერებლად, უსაფრთხოების სამსახურებზე დემოკრატიული კონტროლის გასაძლიერებლად და კორუფციასთან ბრძოლისთვის საქართველოს მთავრობასთან ნატო მუშაობას გააგრძელებს. 

ქართველმა ხალხმა ნათლად განაცხადა, რომ მათ დემოკრატიული და წარმატებული საქართველო სურთ, რომელიც ევროატლანტიკურ რეგიონში არის ინტეგრირებული და ნატო მომავალშიც იქნება ასეთი მისწრაფებების მხარდამჭერი“, - განაცხადა სტოლტენბერგმა.