მან კომენტარი გააკეთა „ნაციონალური მოძრაობის“ წარმომადგენელთა განცხადებებზე იმის შესახებ, რომ არჩევნებში „ქართული ოცნება“ დამარცხდა.

„რა თქმა უნდა, ზოგიერთ მუნიციპალიტეტში შეიძლება დაგვჭირდეს და დაგვჭირდება ალბათ, აუცილებლად მეორე ტურები, მაგრამ ჩვენ დარწმუნებული ვართ, რომ 64-ვე მუნიციპალიტეტში ჩვენ უმრავლესობას დავაკომპლექტებთ საკრებულოებში და ასევე ჩვენი ყველა მერობის კანდიდატი 64-ვე უკლებლივ გაიმარჯვებს არჩევნებში, გაიმარჯვებს პირველ ტურში, ან მეორე ტურში ძალიან მარტივად“, – განაცხადა ირაკლი კობახიძემ.