16 აპრილს, პარლამენტთან მიმდინარე აქციაზე დაშავებული ერთ-ერთი მოქალაქე, რომელიც ბოკერიას სახელობის საუნივერსიტეტო კლინიკაში იმყოფება, სოციალურ ქსელში მიმართვას ავრცელებს.

როგორც ლევან ბუდაღაშვილი წერს, აღნიშნულ კლინიკაში მასთან ერთად იმყოფება აქციის დროს დაშავებული კიდევ ერთი მოქალაქე.

„პირდაპირ ჩემს სახეზე გაატარეთ აწი ევროპა. მადლობა, ვინც მეძებდით, ვინც მიპოვეთ, ვინც მკითხულობეით და მკითხულობთ.

ნელ-ნელა გამოვალ კონტაქტზე, შეძლებისდაგვარად. ჩემთან ერთად არის კიდევ მასწავლებელი, ვინმე თორნიკე და იქნებ თუ არ იციან მისიანებმა, იქნებ უთხრათ. ბოკერიაში ვართ.

ყველაზე დიდი მადლობა ბოკერიას კლინიკის ექიმებს, არ ვიცი არც ერთის სახელი, მაგრამ ადამიანები არიან“, – წერს ლევან ბუდაღაშვილი.