სამხარაულის ეროვნულმა ბიურომ დიდ დიღომში გარდაცვლილი 12 წლის გოგოს საქმეზე მუშაობა დაასრულა.
გარდაცვლილი მოზარდი თავის საცხოვრებელ სახლში მიასვენეს. ცხედარს ტოქსიკოლოგიური ექსპერტიზა ჩაუტარდა.
„გარდაცვლილის დედამ, ჩემმა დისშვილმა თქვა, რომ დუჟი ჰქონდა პირში. ძალადობა, გაუპატიურება არა, კაბა და კოლგოტკა გახეული ჰქონდა. კრიმინალისტმაც მითხრა რომ ყელთან ჩალურჯებული ჰქონდა. ექსპერტიზიდან დაგვირეკეს უნდა გავკვეთოთო, ჩემი დისშვილი გაგიჟდა, არ მაინტერესებს არაფერი, არ გაკვეთოთო“, - აცხადებს გარდაცვლილი მოზარდის ბაბუა.
ამასთან, ერთ-ერთი ადგილობრივის ვერსიით, მოზარდი სავარაუდოდ, მაშინ მოიყვანეს, ადგილზე, როცა უკვე ის გარდაცვლილი იყო.
„არაფერი ხმა არ გვესმოდა, არაფერი ხმა არ გამიგია, ოდნავ მაინც რომ ეკივლა იმ ბავშვს, მე აუცილებლად გავიგებდი. ვფიქრობ გარდაცვლილი იყო, როცა აქ მოიყვანეს, დაახლოებით 2 საათი იქნებოდა“, - აცხადებს ადგილობრივი.
ცნობისთვის, დიდ დიღომში, პეტრიწის ქუჩაზე 12 წლის გოგონა გარდაცვლილი იპოვეს.
გავრცელებული ინფორმაციით, გარდაცვლილს ძალადობის კვალი ეტყობა.
0
0
