აქტივისტი, სამირა ბაირამოვა საგარეჯოში, 14 წლის გოგოს მკვლელობასთან დაკავშირებით სოციალურ ქსელში ახალ დეტალებს ასაჯაროებს.

„დღეს გავიგე, რომ 14 წლის მოტაცებულმა აიტაჯმა სამჯერ სახლიდან გაქცევა სცადა ერთხელაც კი მოახერხა სახლამდე მიღწევა. მაშინ დედამისმა უკან ქმრის სახლში დააბრუნა.

მისი იძულებითი დანიშვნის მიზანი ბიჭის ოჯახის სიმდიდრე ყოფილა.

აიტაჯის ოჯახს ერთ დროს მარნეულში ქირითაც უცხოვრიათ“, - წერს სამირა.

ცნობისთვის, მკვლელობა მოხდა საგარეჯოს მუნიციპალიტეტის სოფელ ლამბალოში. მოკლულია 14 წლის გოგონა.

არსებული ინფორმაციით, არასრულწლოვანი არარეგისტრირებულ ქორწინებაში მყოფმა ქმარმა მოკლა.

როგორც ირკვევა, შემთხვევა ახლობლის ქორწილში მოხდა, სადაც მამაკაცი რამდენიმე თვის წინ მოყვანილ ცოლთან ერთად იმყოფებოდა.