მეტრო სადგურის მოედანზე გაზის სუნი დგას – ინფორმაციას მოქალაქეები ავრცელებენ. “ყველა გაიქცა, გაზის სუნი იყო” ,- ამბობენ ისინი.

ადგილზე საპატრულო პოლიციაა მობილიზებული.

როგორც თბილისის სატრანსპორტო კომპანიაში განაცხადეს, მეტროს ორივე ხაზი მოქალაქეებს ჩვეულებრივ რეჟიმში ემსახურება.

თბილისის სატრანსპორტო კომპანიაში განაცხადეს, სუნი, შესაძლოა მეტროში არსებული გამნიავებლებიდან შევიდა და მგზავრებისთვის ეს საშიში არ არის.

„მეტროს ტერიტორიაზე არანაირი გაზის მოწყობილობა ან გაყვანილობა არ არის. მეტროში ზოგადად გამნიავებლებია ჩართული. შესაძლოა, გარედან მეტროში შევიდა სპეციფიკური სუნი, ამიტომ ჩართავენ დამატებით გამნიავებლებს. ამ დროისთვის მოძრაობა შეფერხებული არ არის და ზოგადად, მგზავრებისთვის საშიში არ არის“,- ამბობენ სატრანსპორტო კომპანიაში.