აშშ-ის თავდაცვის მდივნის განცხადებით, „ჰეზბოლასა“ და ისრაელს შორის ბრძოლა გარდაუვალი არ არის, თუმცა მან შეშფოთება გამოხატა ისრაელის მიერ ოკუპირებულ გოლანის მაღლობებზე სასიკვდილო სარაკეტო დარტყმასთან დაკავშირებით.
"რადგან ისრაელის ჩრდილოეთ საზღვარზე სამხედრო აქტივობა შეინიშნება, კვლავ შეშფოთებულნი ვართ იმის გამო, რომ ეს შეიძლება სრულმასშტაბიან ბრძოლაში გადაიზარდოს. მე არ მჯერა, რომ ბრძოლა გარდაუვალია. გვსურს, რომ კონფლიქტი დიპლომატიური გზით გადაწყდეს", - თქვა აშშ-ის თავდაცვის მდივანმა ლოიდ ოსტინმა მანილაში გამართულ პრესკონფერენციაზე.
Reuters-ს ასევე ხუთმა ანონიმურმა პირმა განუცხადა, რომ „შეერთებული შტატები დიპლომატიურ ძალისხმევას ხელმძღვანელობს იმისთვის, რომ თავიდან იყოს აცილებული ისრაელის საპასუხო თავდასხმა ლიბანის დედაქალაქ ბეირუთზე ან მთავარ სამოქალაქო ინფრასტრუქტურაზე“.
0
0
