კრემლის სპიკერმა, დიმიტრი პესკოვმა განაცხადა, რომ რუსეთის პრეზიდენტის და მისი თურქი კოლეგის შეხვედრა მალე შედგება.

ამასთან, მას კონკრეტული თარიღი ან შეხვედრის გამართვის ადგილი არ დაუსახელებია და მხოლოდ აღნიშნა, რომ ვადის მოახლოებისას ინფორმაციას მედიას მიაწვდის.

რაც შეეხება მარცვლეულის საკითხთან დაკავშირებულ მოლაპარაკებას, პესკოვმა თქვა, რომ ამჟამად გარიგების შესაძლო პერსპექტივებზე არსებითი შეთანხმებები არ არსებობს.

“ყატარის მონაწილეობით ურთიერთქმედების სხვადასხვა ვარიანტია – ამ დროისთვის ამ საკითხზე არსებითი შეთანხმებები არ არსებობს. მაგრამ, რა თქმა უნდა, სხვადასხვა ფორმატში დისკუსიები გრძელდება”, – აღნიშნა მან.