ავსტრიის ფედერალურ მხარე ტიროლში, ზვავის ჩამოწოლის შედეგად, ორი მოთხილამურე დაიღუპა. ადგილობრივი ხელისუფლების ინფორმაციით, მამა-შვილი, ალპური ზონაში, როსკოფის მთის მწვერვალზე ჩამოწოლილ ზვავში მოყვა. ავსტრიული მაუწყებელი ORF-ი იტყობინება, რომ სასწრაფო დახმარების სამსახურებმა მათი ცხედრები ფართომასშტაბიანი სამძებრო ოპერაციის შემდეგ იპოვეს.

მიმდინარე კვირაში, ტიროლში ძლიერმა თოვლმა რეგიონში ზვავსაშიშროება მნიშვნელოვნად გაზარდა. რეგიონში, სადაც უბედური შემთხვევა მოხდა, ზვავსაშიშროების საფრთხის დონე სამ ნიშნულამდე შეფასდა.