როგორც The Guardian-ი წერს, ლონდონის სამიტის შემდეგ, ვოლოდიმირ ზელენსკიმ განაცხადა, რომ უკრაინა სამშვიდობო შეთანხმებისთვის თავის ტერიტორიებს არ დათმობს.

,,ზელენსკიმ დასძინა, რომ უკრაინა არასოდეს აღიარებს რუსეთის მიერ ტერიტორიების ანექსიას, თუნდაც ეს იყოს სამშვიდობო შეთანხმების დადების მცდელობა“, - ნათქვამია სტატიაში.

გასულ კვირას, ლონდონში ევროპული ქვეყნების სამიტი გაიმართა, სადაც უკრაინაში არსებული ვითარება და ევროპის თავდაცვისუნარიანობის გაძლიერების შესაძლებლობა განიხილეს. ბრიტანეთის პრემიერ-მინისტრმა კირ სტარმერმა განაცხადა, რომ ლონდონი მზადაა, რომ უკრაინაში შეიარაღებული ძალები განათავსოს და გამოიყენოს ავიაცია კონფლიქტის მოსაგვარებლად.