„დროა, როგორმე „ნაციონალური მოძრაობა“ დადგეს თავის თავზე მაღლა“, - ამის შესახებ კონფლიქტოლოგმა პაატა ზაქარეიშვილმა „ტვ პირველის“ ეთერში განაცხადა.
მისი თქმით, დროა, ყველაზე დიდმა ოპოზიციურმა პარტიამ „ენმ“-ის ყოფილ წევრთან, ნიკა მელიასთან დაპირისპირებას თავი დაანებოს, რადგან 2024 წლის არჩევნებზე სასურველ შედეგს მიაღწიონ.
„ყველაზე მეტი ამომრჩეველი ჰყავს „ქართულ ოცნებას“, უბრალოდ შანსები იქნება 2024 წლის ოქტომბრისთვის, რომ დადგეს პოლონეთის ვარიანტი, ტუსკიმ არ მოიგო არჩევნები, მოიგო მმართველმა პარტიამ, მაგრამ საერთო ჯამში ოპოზიციურმა პარტიებმა იმდენი ხმა დააგროვეს, რომ მეტი დაუგროვდათ, ვიდრე გამარჯვებულ პარტიას და შექმნეს მთავრობა. შანსები არის უნიკალური, რადგან 40-იდან 60%-ში ჩანს, რომ ამომრჩეველმა არ იცის, ვის აძლევს ხმას.
საჭიროა, რომ როგორმე „ნაციონალური მოძრაობა“ დადგეს თავის თავზე მაღლა. დაანებოს კინკლაობას თავი მელიასთან, მოხდა გაყრა, კარგია თუ ცუდია, მორჩა. ოპოზიციამ უნდა დაანებოს თავი ერთმანეთთან კინკლაობას. როგორც კი ოპოზიცია იწყებს რაღაც გადაჯგუფებას, „ნაცმოძრაობაში“ ეჭვიანობა იწყება. მკაფიოდ უნდა ითქვას, ჩვენ ჩვენი გზა გვაქვს, მიხედეთ თქვენ თავს“, - აღნიშნა პაატა ზაქარეიშვილმა.
0
0
