გამოცემა Le Figaro -ს ცნობით, ამერიკელი მეცნიერების მიერ ჩატარებულმა ანალიზმა სახელმწიფოს ყოფილი მეთაურის სხეულში დარიშხანი აღმოაჩინა. მისი გარემოცვა კი თითს რუსეთისკენ იშვერს.

“საქართველოს ყოფილი პრეზიდენტი მიხეილ სააკაშვილი (55 წლის) თბილისის ციხეში დარიშხანით და ვერცხლისწყლით მოიწამლეს”, -წერს Le Figaro.

გამოცემის ცნობით, ეს არის ამერიკელი ექიმების დასკვნა, რომლებმაც ის გამოიკვლიეს.

„სამედიცინო დასკვნა, რომლის მოპოვებაც Le Figaro-მ შეძლო, ეჭვს არ იწვევს, თმასა და ფრჩხილებში, მძიმე მეტალების, მათ შორის, ვერცხლისწყლისა და დარიშხანის კვალი აღმოჩნდა. მიხეილ სააკაშვილი მოწამლეს მისი დაპატიმრების შემდეგ,“ - წერს გამოცემა.