ყაზახეთში სამშვიდობო ძალები სომხეთმა გააგზავნა

06/01/2022

19:25

A-

სომხეთმა ყაზახეთში სამშვიდობო ძალები გააგზავნა, რომლებიც კოლექტიური უსაფრთხოების ხელშეკრულების ორგანიზაციის ძალების შემადგენლობაში იმოქმედებენ. ამის შესახებ „სპუტნიკი“ იუწყება.

70-მდე სომეხმა სამხედრომ ყაზახეთში სტრატეგიული დანიშნულების ობიექტების დაცვაში უნდა მიიღოს მონაწილეობა.

განცხადება ყაზახეთში სამშვიდობო ძალების გაგზავნის შესახებ სომხეთის პრემიერ-მინისტრმა ნიკოლ ფაშინიანმა გააკეთა. სომხეთი ამჟამად კოლექტიური უსაფრთხოების ხელშეკრულების ორგანიზაციის თავმჯდომარე ქვეყანაა.

შეიარაღებული ძალების გაგზავნის თხოვნით კოლექტიური უსაფრთხოების ხელშეკრულების წევრ ქვეყნებს ყაზახეთის პრეზიდენტმა კასიმ-ჟომარტ ტოკაევმა მიმართა. ყაზახეთში უკვე ჩავიდნენ რუსი და ბელორუსი სამხედროები.

ყაზახეთში 2 იანვრიდან საპროტესტო აქციები მიმდინარეობს. ვრცელდება ინფორმაცია, რომ შეტაკებების შედეგად ათობით ადამიანია დაღუპული.

790