"სფეისნიუსისთვის" ცნობილია ხობში მოკლული ქალის ვინაობა.

მოკლულია 48 წლის, ხათუნა ლაზარია, რომელიც ზუგდიდის მუნიციპალიტეტის სოფელ ახალკახათში ცხოვრობდა. 

"სამწუხაროდ, მოკლული ჩვენი თანასოფლელი, ხათუნა ლაზარიაა. რა მოხდა, არავინ იცის. ქალმა ქალი ბლაგვი საგნით დაასახიჩრა და ცხედარი სოფლის გზაზე მიატოვა. ცხედარი დღეს ადგილობრივმა გზის პირას ნახა",- განუცხადა “სფეისნიუსს” ახალკახათის მკვიდრმა.

სავარაუდო მკვლელი, 30 წლამდე ქალი უკვე დაკავებულია. ერთ-ერთი ვერსიით, იგი დანაშაულის შემდეგ პოლიციას თავად ჩაბარდა. მომხდარის ოფიციალური მოტივი უცნობია. ერთ-ერთი ვერსიით, მოკლულს დაკავებულის ვალი ჰქონდა.

გამოძიება სისხლის სამართლის კოდექსის 108-ე მუხლით მიმდინარეობს.