31 იანვრის საღამოს რუსულმა საოკუპაციო ძალებმა ხარკოვის ოლქის ველიკი-ბურლუკის რაიონზე მიიტანეს შეტევა. ამის შესახებ ინფორმაციას ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი ავრცელებს. მისი თქმით, ადგილობრივი დროით დაახლოებით 21:50 საათზე მტერმა ორი ავიაბომბი საავადმყოფოსკენ გაუშვა.

„განხორციელდა 38 ადამიანის ევაკუაცია, მათ შორის 33 პაციენტია, ხუთი კი დაწესებულების თანამშრომელი. ოთხ ადამიანს პირველადი დახმარება ადგილზე აღმოუჩინეს, დანარჩენები კი საავადმყოფოში გადაიყვანეს“, - ნათქვამია ინფორმაციაში.

არსებული ცნობით, შეტევის შედეგად დაზიანდა შენობისა ფასადი, სახურავი და ფანჯრები. ადგილზე მეხანძრე-მაშველები მუშაობენ.