იმერეთის ტყეში მეშვიდე დღეა, 41 წლის მამაკაცს ეძებენ - ოჯახი დახმარებას ითხოვს.

როგორც “სფეისნიუსს” დაკარგულის, დავით ტაპატაძის დამ, რუსად ტაპატაძემ განუცხდა, ის  სახლიდან, სოფელ ვანიდან (ხარაგუალის მუნიციპალიტეტი), 11 მარტს გავიდა და მას შემდეგ  აღარავის უნახავს.

სამძებრო სამუშაოებში ჩართულია პოლიციაც.

“ნებისმიერი ინფორმაციის შემთხვევაში, დარეკეთ შემდეგ ნომერზე: 597 12 42 48”, აცხადებენ ოჯახის წევრები.

არსებული ინფორმაციით, ოჯახს არანაირი ვერსია არა აქვს, სად შეიძლება წასულიყო მამაკაცი.

"ყველგან ეძებენ. ეძებენ ხარაგაულის ტყეშიც და ყველგან.. არის ვარაუდი, რომ შეიძლება ოზურგეთისკენაც იყოს. გთხოვთ, გაავრცელეთ",- აცხადებს "სფეისნიუსთან" დაკარგულის და, რომელიც ძმის ფოტოებს ავრცელებს.