Reuters-ის ინფორმაციით, ესპანეთის ჩრდილოეთით, ქალაქ ვილაფრანკა დელ ებროში გაჩენილი ხანძრის შედეგად, სულ მცირე, 10 მოხუცი დაიღუპა.

„ხანძარი "Jardines de Villafranca" საცხოვრებლის ერთ-ერთ ოთახში გაჩნდა, სადაც ხანდაზმული პირები ცხოვრობდნენ. ორი ადამიანი კრიტიკულ მდგომარეობაში იმყოფება, რამდენიმე კი კვამლის ჩაყლაპვის გამო მკურნალობს. მეხანძრეებს ხანძრის ჩაქრობისთვის დაახლოებით ორი საათი დასჭირდათ“, - განუცხადა ჟურნალისტებს ქალაქის მერმა ვოლგა რამირესმა.

რეგიონული პოლიციის ცნობით, ხანძრის გამომწვევი მიზეზის გამოძიება მიმდინარეობს.