ვაჟა-ფშაველას გამზირზე, ეროვნულ არქივთან, რომლის მიმდებარე ტერიტორიაზეც ცოტა ხნის წინ ხანძარი გაჩნდა, არქივის თანამშრომლები იმყოფებიან.

როგორც ისინი აცხადებენ, მათი ინფორმაციით, ხანძრის შედეგად არქივის საცავი, სადაც მნიშვნელოვანი დოკუმენტაცია ინახება, არ დაზიანებულა.

მათი თქმით, ცეცხლი გაჩნდა ეროვნული არქივის ეზოში მდებარე დამხმარე შენობაში, სადაც მნიშვნელოვანი დოკუმენტები არ ინახება.

„მთავარი შენობა, მთავარი საცავი, სადაც მნიშვნელოვანი დოკუმენტები ინახება, გადარჩენილია. მას ხანძარი არ შეხებია“, – აცხადებენ არქივის თანამშროლები.

ეროვნული არქივის ეზოში ცალკე მდგომ შენობაში გაჩენილი ხანძარი ლოკალიზებულია. 

ადგილზე მობილიზებულია სახანძრო-სამაშველო ჯგუფები და ამჟამად ხანძრის სალიკვიდაციო სამუშაოები მიმდინარეობს.

წყარო: საქართველოს პირველი არხი