ვაჟა-ფშაველას გამზირზე, შენობაში გაჩენილი ხანძარი ლოკალიზებულია. ამის შესახებ საგანგებო სიტუაციების მართვის სამსახურში განაცხადეს. შესაბამისად, ცეცხლის გავრცელების საშიშროებაც არ არსებობს.

მათივე ცნობით, ხანძარი არქივის ეზოში ცალკე მდგომ შენობაში გაჩნდა. მიმდინარეობს სალიკვიდაციო სამუშაოები.

ამასთან, ამ დროისთვის დაშავებულების შესახებ საგანგებო სიტუაციების მართვის სამსახურში შეტყობინება არ შესულა.

ადგილზე იმყოფებიან ეროვნული არქივის თანამშრომლებიც, თუმცა მთთვისაც უცნობია, სად და რა მიზეზით გაჩნდა ცეცხლი.

ვრცელდება ინფორმაცია, რომ ცეცხლი არქივის მიმდებარედ არსებულ დამხმარე შენობაში გაჩნდა.

ოფიციალური კომენტარი ჯერ არ გაკეთებულა.