ხანძარი იყო ცოტა ხნის წინ თბილისში, ნაძალადევის რაიონში.

როგორც “სფეისნიუსს” ადგილობრივებმა აცნობეს, ცეცხლი ავეჯის ერთ-ერთ საამქროში დღეს საღამოს გაჩნდა. მათივე თქმით, მეტროსადგურ “გოცირიძის” მიმდებარე ტერიტორიაზე, რამდენიმე სახანძროს ბრიგადა და საპატრულო პოლიციის მანქანები გადაადგილდებოდნენ.

“ცეცხლი ავეჯის საამქროში გაჩნდა. დროულად მოვიდნენ სახანძროს ბრიგადები და ცეცხლი მალევე  ჩააქრეს” - აცხადებენ ადგილობრივები.

შემთხვევის შესახებ “სფეისნიუსი” საგანგებო სიტუაციების მართვის სამსახურს დაუკავშირდა. მათი ცნობით, მომხდარის შედეგად არავინ დაშავებულა და ხანძრის ლიკვიდირება მალევე მოხდა.