ჩადის რესპუბლიკაში საბრძოლო მასალების ერთ-ერთ საწყობში გაჩენილი ხანძრის შედეგად,  სულ მცირე ცხრა ადამიანი დაიღუპა და 46 დაშავდა, - წერს BBC.

როგორც მედია წერს, დაღუპულთა რიცხვის ზრდა მოსალოდნელია. დაშავებულთა უმეტესობა უკიდურესად მძიმე მდგომარეობაშია.

ჩადის დედაქალაქ ნჯამენაში ხანძრის შედეგად აფეთქებები შუაღამით დაახლოებით ნახევარი საათის განმავლობაში გაგრძელდა.

საწყობი, რომელშიც იარაღი ინახებოდა დედაქალაქის ჩრდილოეთ ნაწილში, გუჯის რაიონში მდებარე ფრანგული ჯარის სამხედრო ბაზასთან და აეროპორტთან ახლოს მდებარეობს. ამავე რაიონში, ასევე, მდებარეობს არაერთი საცხოვრებელი სახლი.