სოციალური ქსელი X (ყოფილი Twitter-ი) შეფერხებით მუშაობდა. ამის შესახებ Reuters-ი წერს.

გამოცემის ინფორმაციით, შეფერხება შეეხო სხვადასხვა ქვეყანაში მყოფ მომხმარებლებს. სოციალური ქსელის ვებგვერდი იხსნებოდა, თუმცა მომხმარებელთა შეტყობინებები არ ჩანდა. სირთულეები შეექმნათ X Pro-ს მომხმარებლებსაც.

ამ დროისთვის პრობლემა მოგვარებულია და სოციალური ქსელი მუშაობას ჩვეულ რეჟიმში აგრძელებს, თუმცა შეფერხების მიზეზი ამ დრომდე უცნობია.