პარლამენტის უკანა შესავლელთან, ჩიტაძის ქუჩაზე სპეცრაზმი და წყლის ჭავლის მანქანა განლაგდა.

პარლამენტის მიმდებარედ ჭიჭინაძის ქუჩაზე აქციის მონაწილეები სპეცრაზმელებს გადაადგილების საშუალებას არ აძლევენ.

მოქალაქეებმა სპეცრაზმელებს წყალი შეასხეს.

ვრცელდება ინფორმაცია, რომ აქციაზე სპეცრაზმელებმა სავარაუდოდ წიწაკის სპრეი გაუშვეს. დაძაბული ვითარებაა ამ წუთებში ჩიტაძის ქუჩაზე, სადაც დიდი რაოდენობით სპეცრაზმია მობილიზებული მშვიდობიანი დემონსტრანტების პირისპირ.

შსს-მ გამაფრთხილებელი სიგნალი ჩართო, რის შემდეგაც სპეცრაზმი როგორც წესი აქციის დარბევასა და წყლის ჭავლის გამოყენებას იწყებს.

დაიწყო დაკავებებიც. არსებული ინფორმაციით, დაკავებულია "ლელოს" გენერალური მდივანი ირაკლი კუპრაძე.