გუდაურში დაღუპული ახალაზრდა, 25 წლის გურანდა ჩხაიძეა. მას მცირეწლოვანი გოგონა დარჩა.

"ვიწვით ამ ტრაგედიით საშინელება მოხდა.... მცირწლოვანი გოგონა დარჩა",-განუცხადა "სფეისნიუსს" ოჯახის ახლობელმა.

შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, გუდაურში მომხდარ სავარაუდოდ უბედურ შემთხვევასთან დაკავშირებით, რის შედეგადაც გარდაიცვალა 12 პირი, გამოძიება სისხლის სამართლის კოდექსის 116-ე მუხლით დაიწყეს, რაც გაუფრთხილებლობით სიცოცხლის მოსპობას გულისხმობს.

შეგახსენებთ , რამდენიმე დღის წინ, აგუდაურში მდებარე ინდური რესტორნის მეორე სართულზე, მოწყობილ საძინებელ სივრცეში, ნანახი იქნა, სავარაუდოდ, ამავე  ობიექტში დასაქმებული 12 ადამიანის ცხედარი.

პირველადი დათვალიერებით ცხედრებს ძალადობის კვალი არ აღენიშნებათ.

ასევე, გამოძიების პირველადი ინფორმაციით, საძინებელი ოთახების სიახლოვეს,  შიდა, დახურულ სივრცეში განთავსებული იყო  გენერატორი, რომელიც გუშინ, სავარაუდოდ მას შემდეგ ჩართეს, რაც ობიექტს დენის მიწოდება შეუწყდა.

გარდაცვლილი 12 პირიდან 11 უცხო ქვეყნის, ხოლო ერთი  საქართველოს მოქალაქეა.

.