ვისკონსინის შტატის ქალაქ მედისონში, სკოლაში სროლის შედეგად, ხუთი ადამიანი დაიღუპა, ხუთი კი დაიჭრა. გარდაცვლილთა შორის არის თავდამსხმელი, რომელიც ამავე სკოლის მოსწავლეა. ინფორმაციას ამის შესახებ ამერიკული მედია ავრცელებს.

შემთხვევა ქალაქ მედისონში მდებარე ერთ-ერთ ქრისტიანულ სკოლაში მოხდა. პოლიციამ სასწავლო დაწესებულებაში სროლის შესახებ შეტყობინება ადგილობრივი დროით დილის 10:57 საათზე მიიღო.

ამასთან, მედისონის პოლიციაში აცხადებენ, რომ ადგილზე მისულ სამართალდამცველებს ცეცხლი არ გაუხსნიათ.

სკოლაში, სადაც შემთხვევა მოხდა, 390-მდე მოსწავლე სწავლობს, მათ შორის არიან როგორც საბავშვო ბაღების აღსაზრდელები, ისე უფროსკლასელები.