მეუფე იაკობმა, საკვირაო ქადაგებისას, უკრაინის მაღალჩინოსნებზე კიდევ ერთხელ ისაუბრა.

“ვინ ეკითხება უკრაინას, არახამიაზე ვიძახი, ჩვენს საქმეებში რომ ასე ერევა? სააკაშვილია საქართველო? იანუკოვიჩი რომ ჰყავდეთ იმასთ დაჭერილი, ეტყვიან, რომ იანუკოვიჩი გაუშვიო? ქართველ იანუკოვიჩზე რატომ გვეუბნებიან მაინცდამაინც, გაუშვით, თორემ ასე და ისეო... იქ არის ერთი იანუკოვიჩი, აქ მეორეა. შეიძლება ამას უფრო მეტი დანაშაული აქვს, იმას აღარ შეუძლია ქვეყანას რამე გაუფუჭოს და ამას, სამწუხაროდ, თვითონ საჭმელს არ ჭამს, თავსაც არ იკლავს. იმდენს ჭამს, რომ მერე სამარცხვინოდ აჩვენოს ის... გეგონება, ან განდი იყოს ან მანდელა... მივხედავთ ჩვენს საქმეს. მოიქცეს მიშა წესიერად, პატიება სთხოვოს იმ ხალხს, ვინც მაგაზე გამწარებულია. მაგის გამოშვება ერს რომ უნდოდეს, ამდენი ხანი ვინ გააჩერებდა, გამოიყვანდნენ აქამდე”, - განაცხადა მეუფე იაკობმა.