არსებული ინფორმაციით, გორში, 70 წლამდე ასაკის მამაკაცმა ცოლი და სიდედრი ცეცხლსასროლი იარაღიდან გასროლით მოკლა, რის შემდეგაც სიცოცხლე თვითმკვლელობით დაასრულა. ფაქტზე შინაგან საქმეთა სამინისტრომ გამოძიება დაიწყო.

ადგილობრივების თქმით, შემთხვევამდე კონფლიქტის შესახებ არავის გაუგია. კაცი, რომელმაც ცოლისა და სიდედრის მკვლელობის შემდეგ თავი მოიკლა, ხვთისო პეტრიაშვილია. ადგილზე სამართალდამცველები მუშაობენ. შემთხვევა სოფელ რეხაში გვიან ღამით მოხდა.

გავრცელებული ინფორმაციით, მამაკაცი ყოფილი პოლიციელი იყო.