მოსკოვი-თბილისის პირველ ბორტზე ქართული დელეგაცია მიფრინავს, რომელსაც საზოგადოებრივი ორგანიზაცია „სოლიდარობა მშვიდობისთვის“ თავმჯდომარე მერაბ ჭიკაშვილი ხელმძღვანელობს. ამის შესახებ რუსული სამთავრობო სააგენტო „რია ნოვოსტი“ იუწყება.

ჭიკაშვილმა ჟურნალისტებთან საუბრისას მადლობა გადაუხადა რუსეთის პრეზიდენტ ვლადიმირ პუტინს და აღნიშნა, რომ საქართველოში ხალხმა კარგად იცის დღევანდელი ღონისძიების მნიშვნელობა.

„მთავარია არა მხოლოდ თავიდან დავიწყოთ, არამედ გავაუმჯობესოთ ჩვენი ურთიერთობები, განსაკუთრებით ამ სიტუაციაში“ - განაცხადა მან.

ცნობისთვის, პორტალი Flightradar-ის ცნობით, რეისი თბილისში თბილისის დროით 12:22 საათზე განხორციელდება - მოსალოდნელზე დაახლოებით ერთი საათით ადრე.