ბელგია მხარს უჭერს საქართველოს ევროპულ მისწრაფებებს, ჩვენ შესაბამისად ვიმოქმედებთ აყვავებული ევროპის ინტერესებით ლისაბონიდან თბილისამდე. ვაკვირდებით საერთო მომავალს, ბელგია საქართველოს გვერდით დგას დღეს და ჩვენ გავაგრძელებთ იმავეს ხვალ და მომავალშიც, – ამის შესახებ ბელგიის სამეფოს საგარეო და ევროპული ურთიერთობების საქმეთა, საგარეო ვაჭრობისა და კულტურული ინსტიტუტების მინისტრმა, ჰაჯა ლაჰიბიმ ბრიუსელში, საერთაშორისო ფესტივალ „ევროპალიისა“ და საქართველოს დამოუკიდებლობის დღის აღსანიშნავ საზეიმო ღონისძიებაზე სიტყვით გამოსვლისას განაცხადა.

მისი თქმით, ევროკავშირსა და საქართველოს შორის კავშირები არსებობს 20 წლის განმავლობაში და ახლა არის ყველაზე უფრო მჭიდრო.

„საქართველომ ევროპას მიმართა, რათა მიიღოს კანდიდატობის სტატუსი ევროკავშირში. საქართველო გახლავთ ევროპული ოჯახის ნაწილი, რისი დემონსტრირება მოახდინა, ასევე მოლდოვამ. ევროკავშირსა და საქართველოს შორის კავშირები არსებობს 20 წლის განმავლობაში, ახლა არის ყველაზე უფრო მჭიდრო. ბატონო პრემიერო, თქვენი მთავრობა ამჟამად ახორციელებს 12 რეკომენდაციის შესრულებას, რომელიც ევროპულმა საბჭომ გადასცა საქართველოს, რომელიც მისცეს საქართველოს მიიღოს ევროკავშირის კანდიდატი ქვეყნის სტატუსი. თქვენ მოგვახსენეთ სხვადასხვა მიმართულებით ჩატარებულ შეფასებასთან დაკავშირებით ინფორმაცია. ჩვენ ველით გაუმჯობესებას ამ მიმართულებების და ევროპული კომისიის მოხსენებას. დარწმუნებული ბრძანდებოდეთ, რომ ბელგია მხარს უჭერს საქართველოს ევროპულ მისწრაფებებს, ჩვენ შესაბამისად ვიმოქმედებთ აყვავებული ევროპის ინტერესებით ლისაბონიდან თბილისამდე. ვაკვირდებით საერთო მომავალს, ბელგია საქართველოს გვერდით დგას დღეს და ჩვენ გავაგრძელებთ იმავეს ხვალ, მომავალშიც, დიდი მადლობა, გაუმარჯოს“, – განაცხადა ჰაჯა ლაჰიბიმ.

ჰაჯა ლაჰიბიმ „ევროპალიის“ მნიშვნელობას გაუსვა ხაზი და აღნიშნა, რომ საქართველო იქნება 25-ე მასპინძელი ქვეყანა, რომელიც აღნიშნავს მის კულტურულ მემკვიდრეობას.

მან ასევე ისაუბრა ქართული სუფრის ტრადიციაზე და განაცხადა, რომ ეს არის საუკეთესო გზა, რომ ადამიანებმა უკეთესად გაიცნონ ერთმანეთი.

„საქართველოს დამოუკიდებლობის დღე 26 მაისს აღინიშნება, მაგრამ დღეს განსაკუთრებული აღნიშვნა ხდება ამ დღის. საქართველოს პრემიერ-მინისტრის ვიზიტი ბელგიაში ემთხვევა „ევროპალიის“ ფესტივალის დაწყებას. ეს გახლავთ უნიკალური ფესტივალი, რომელიც მიმდინარე წელს 4 ოქტომბერს დაიწყება და ძალიან დიდი იმედის მომცემია. „ევროპალია“ გახლავთ მნიშვნელოვანი ღონისძიება კულტურული დიპლომატიის, იგი აძლიერებს კულტურულ ურთიერთგაცვლას და საქართველო იქნება 25-ე მასპინძელი ქვეყანა, რომელიც აღნიშნავს მის კულტურულ მემკვიდრეობას, მრავალფეროვნება სახელოვნებო პროექტების, გამოფენების, სურათი შთამბეჭდავია. პროგრამა იყო დღეს წარმოდგენილი მინისტრ თეა წულუკიანის თანდასწრებით. ეს პროგრამა გახლავთ განაცხადი უზარმაზარი მემკვიდრეობის, რომელიც საქართველოს გააჩნია და ძალიან, როგორც ხშირად ხდება, ქვეყნის იდენტობა, კულტურული სიმდიდრისა და კრეატიულობის ჭრილში არის გამოხატული. კულტურა შეიძლება, ასევე გვთავაზობდეს ღრმა ანალიზს სუფრასთან დაკავშირებით. ტრადიციულ ქართულ ფესტივალს, რომელშიც არის მოცული სტუმართმასპინძლობის სულისკვეთება, რაც გახლავთ ერთ-ერთი ყველაზე მომხიბლავი ასპექტი ქართული კულტურის. მოკლედ მოგითხრობთ სუფრაზე, მაგიდის გარშემო, რომელიც არის ქართული სამზარეულოს ნიმუშებით სავსე, ღვინით დამშვენებული და ალბათ ლუდითაც, მეგობრები იკრიბებიან რომ ერთმანეთს მოუყვნენ სხვადასხვა ისტორიები, დაუვიწყარი მომენტები, ეს გახლავთ საუკეთესო გზა რომ უკეთესად გაიცნონ ერთმანეთი. დარწმუნებული ვარ, რომ ეს ასეა,  დარწმუნებული ვარ, რომ ეს ფესტივალი ისტორიაში ჩაიწერება როგორც ძირითადი მოვლენა ჩვენ ორ ქვეყანას შორის, რაც გააძლიერებს კავშირებს, მეგობრულ კავშირებს ბელგიასა და საქართველოს შორის. ჩვენ ძალიან ბევრი გვაქვს აღსანიშნავად, დილით ბრწყინვალე პოლიტიკური გზავნილების ურთიერთგაცვლა მოხდა ჩვენ მთავრობებს შორის, ორმხრივი ურთიერთობები განვიხილეთ, მიღწეულ პროგრესზე ვისაუბრეთ და არსებულ შესაძლებლობებზე მომავალში“, – აღნიშნა ჰაჯა ლაჰიბიმ.