ჟარგონულად რომ ვთქვათ, ევროპელებმა გვიჯიგრეს, ავანსად მოგვცეს სტატუსი... ჩვენ ვიცით, რომ დათქმებით მოგვცეს და უნდა გავეცნოთ ამ დათქმების შინაარსს. ყველაზე მთავარი რაც ამ დათქმებიდან ჩანს არის ის, რომ ჩვენი საკითხი გადაწყდება არჩევნების შემდეგ,  - ამის შესახებ „გირჩის“ წევრმა, იაგო ხვიჩიამ გადაცემა „ვახო ხუზმიაშვილის თავისუფალ სივრცეში“ განაცხადა.

შეგახსენებთ, რომ გაფართოების შესახებ ევროკომისიის ანგარიში დღეს გამოქვეყნდა.

ევროკომისია დადებითად აფასებს საქართველოს მიერ მიღწეულ შედეგს და ევროპულ საბჭოს აძლევს რეკომენდაციას, საქართველოს მიენიჭოს ევროკავშირის წევრობის კანდიდატის სტატუსი.