კლინიკა „ვივამედის“ კლინიკური დირექტორი ზურაბ ჩხაიძეს განცხადებით, საქართველოს ყოფილი პრეზიდენტის, მიხეილ სააკაშვილის ინტერესებში არ არის სასჯელაღსრულების დაწესებულებაში დაბრუნება. ამის შესახებ ზურაბ ჩხაიძემ გადაცემა „ვახო ხუზმიაშვილის თავისუფალ სივრცეში“ მიხეილ სააკაშვილის ჯანმრთელობის მდგომარეობაზე საუბრისას განაცხადა.

„ამ ეტაპზე მისი მდგომარეობა საყურადღებო რჩება... თუ სრულად იქნებოდა გათვალისწინებული ჩვენი რეკომენდაციები სამკურნალო კომპონენტში, კვლევის კომპონენტში არა მარტო მის მიერ, არამედ ოჯახის მიერაც, მდგომარეობა უკეთესი იქნებოდა,“ - განაცხადა ზურაბ ჩხაიძემ.