უკრაინის ქალაქ ჩერნიგოვზე რუსეთის სარაკეტო დარტყმას მსხვერპლი მოჰყვა. ინფორმაციას ამის შესახებ ადგილობრივი მედია ავრცელებს.

„მტერმა ჩერნიგოვის ცენტრზე მიიტანა იერიში. სავარაუდოდ, ბალისტიკური რაკეტით. მოვუწოდებ მოსახლეობას დარჩეს თავშესაფრებში, დამატებითი დეტალები მოგვიანებით გახდება ცნობილი“, - აცხადებს ჩერნიგოვის ოლქის ხელმძღვანელი ვიაჩესლავ ჩაუსი.

ადგილობრივი მედიის ცნობით, სარაკეტო იერიშის შედეგად არიან დაღუპულები და დაშავებულები. შემთხვევის ადგილზე გადაღებულ ვიდეოს Facebook-ზე უკრაინის პრეზიდენტი ვოლოდიმირ ზელენსკიც ავრცელებს.