„ერთიანობა – ნაციონალური მოძრაობის“ თბილისის ორგანიზაციის ხელმძღვანელი სოფო ჯაფარიძე სასამართლოში დაიბარეს, – ინფორმაციას ამის შესახებ „ნაციონალური მოძრაობის“ პრესსამსახური ავრცელებს.

მათივე ცნობით, ჯაფარიძეს ადმინისტრაციულ სამართალდარღვევას ედავებიან.

როგორც სოფო ჯაფარიძემ განაცხადა, მისი პროცესი საქალაქო სასამართლოში 3 თებერვალს არის ჩანიშნული.

„ორი დღის წინ დამირეკეს, დამიბარეს, დამატებითი კითხვაც არ გამჩენია. ეს არის მორიგი ცირკი, რასაც ყოველდღე ვუყურებთ. შესაბამისად, კიდევ ერთხელ ვიტყვი, რომ ვერ შეგვაშინებენ, ვერ გაგვაჩერებენ, ვერც სასამართლოთი და ვერც ვერაფრით, რადგან ჩვენ ისტორიის სწორ მხარეს ვდგავართ“, – განაცხადა სოფო ჯაფარიძემ.