"ქართული ოცნების" ორი საკანონმდებლო ინიციატივა პოლიტიკური დისკუსიის თემად რჩება - აიკრძალოს აქციაზე დემონსტრანტების მიერ სახის დამალვა და დარეგულირდეს პიროტექნიკის გამოყენება. სიახლეს კანონმდებლები დღეს იურიდიულ საქმეთა კომიტეტზე განიხილავენ.

ოპოზიცია ცვლილებებს მმართველი გუნდის მხრიდან საპროტესტო მუხტის შემცირების მცდელობად აფასებს.

"ვერ დააშინებენ ვერავის, მათი გადაწყვეტილებებია შეშინებული ადამიანების მიერ მიღებული გადაწყვეტილებები. ერთ კვირაში უნდათ ყველაფერი მიიღონ, დარაკონული კანონები და მერე დახურონ პარლამენტი. იმიტომ რომ ამ ხალხის წინ გასვლა-გამოსვლას სერიოზული სიმამაცე სჭირდება," - აცხადებს "ერთიანობა - ნაციონალური მოძრაობის" წევრი თამარ კორძაია.