ვაკეში, შატბერაშვილის ქუჩაზე ბიზნესმენ დემურ ხაბულიანს საცხოვრებელი სახლის სადარბაზოსთან თავს უცნობი პირები დაესხნენ და დაზიანებები მიაყენეს. ადგილზე იყო გასროლის ხმაც, არსებული ინფორმაციით, ბიზნესმენი დაჭრილი არ არის და მას თავის არეში ბლაგვი საგნით მიღებული დაზიანება აღენიშნება.

ადგილზე ექსპერტ-კრიმინალისტები რჩებიან და საგამოძიებო მოქმედებებს აწარმოებენ.

მომხდარზე გამოძიება სისხლის სამართლის კოდექსის 120-ე, ჯანმრთელობის განზრახ მსუბუქი დაზიანებისა და 236-ე, ცეცხლსასროლი იარაღის ტარების მუხლებით არის დაწყებული. დანაშაულები 1-იდან სამ წლამდე პატიმრობას ითვალისწინებს.

აღსანიშნავია, რომ დემურ ხაბულიანი „ნაციონალური მოძრაობიდან“ პარლამენტის დეპუტატის და შს ყოფილი მინისტრის დილარ ხაბულიანის ძმაა.