ევროკომისიის პრეზიდენტმა, ურსულა ფონ დერ ლაიენმა უნგრეთის საპარლამენტო არჩევნებში გამარჯვებული პარტიის ლიდერთან, პეტერ მადიართან სატელეფონო საუბარი გამართა.

ფონ დერ ლაიენის განცხადებით, მადიართა საუბრისას უახლოეს პრიორიტეტებზე გაამახვილა ყურადღება.

„უნგრეთი ევროპის გულში დაბრუნდა, სადაც მისი ადგილი  ყოველთვის იყო. ეს, უპირველეს ყოვლისა, უნგრელი ხალხისთვისაა. მათი ხმისთვის, მათი ღირსებისთვის და მათი მომავლისთვის უსაფრთხო, აყვავებულ უნგრეთში, ძლიერ ევროპაში“, – წერს ფონ დერ ლაიენი სოციალურ ქსელში.

როგორც  ევროკომისიის პრეზიდენტმა განმარტა, განიხილეს სამი მთავარი მიმართულება: კანონის უზენაესობის აღდგენა, ევროპულ ღირებულებებთან კურსის გასწორება და რეფორმები, რომლებიც ევროპული ინვესტიციების განბლოკვის საშუალებას მისცემს უნგრეთს.