უნგრეთის პრეზიდენტმა კატალინ ნოვაკმა განაცხადა, რომ თანამდებობას ტოვებს, რადგან 2023 წლის აპრილში „შეცდომა დაუშვა“, როდესაც პედოფილიაში ბრალდებული მამაკაცი შეიწყალა.
ბოლო დღეებში უნგრეთში სკანდალი ატყდა მას შემდეგ, რაც გაირკვა, რომ ქვეყნის პრეზიდენტმა კატალინ ნოვაკმა, 2023 წლის აპრილში, რომის პაპის ვიზიტამდე ბუდაპეშტში, დააკმაყოფილა ბავშვთა სახლის დირექტორის ყოფილი მოადგილის შეწყალების მოთხოვნა, რომელიც მონაწილეობდა პედოფილი დირექტორის მიერ ჩადენილი დანაშაულების დაფარვაში. ოპოზიციურმა პარტიებმა ნოვაკს გადადგომისკენ მოუწოდეს.
"დღეს ბოლოჯერ მოგმართავთ, როგორც სახელმწიფოს მეთაური. ვტოვებ რესპუბლიკის პრეზიდენტის თანამდებობას", - განაცხადა ნოვაკმა ტელეკომპანია M1-ის ეთერში.